每一個孩子都與別不同

29 Apr 22

今日同阿仔睇精神科，醫生未有一個確切嘅診斷結果，不過我心中都覺得佢原來係同其他小朋友與別不同。

好擔心，亦都去找一啲文章睇過，原來有啲嘢係一直存在只係大家冇留意，亦都解釋咗一啲佢嘅行為。

點解佢會不停問今晚食乜餸，答完之後15分鐘唔使之後佢又來再問，之後5分鐘又再問過，我每一次都會答完之後，幾次之後，就好嬲咁唔再答佢，問佢點解問完再問，講咗之後你又唔記得又再問。

細聲之後我亦都記得，佢有陣時唔開心好嬲嘅時候會大嗌細聲之後我亦都記得，佢有陣時唔開心好嬲嘅時候會大叫，大喊。不停重複某一啲說話。

我希望自己可以睇多啲書，了解多啲佢嘅諗法。

醫生話佢哋會再跟學校方面了解多啲佢嘅情況。

我喺枕頭邊同老公講咗我嘅睇法，佢亦都同意下次複診嘅時候一齊去見醫生。