第四天

家姐應該中咗，

今日繼續有發燒同埋咳，夜晚度嘅時候溫度仍然徘徊喺38.1度。

小朋友繼續精精神神，阿女話今日有鼻水，牙仔繼續咳。兩個都係食咗啲止咳水，阿女就食埋鼻水藥。生龍活虎反而啲大人就瞓得辛苦啲，晏晝我哋大人瞓咗覺小朋友就自己喺廳度玩。

早餐係琴日嘅蘑菇包同餐包，

午餐係Pizza。

晚餐係黑豚出前一丁或者係通粉。

本來打算煲蘋果水，因為太攰唔記得咗。

今日天氣比昨天更凍，一整天都下着大雨。

望着對面球場上排隊強檢嘅人，好凍呀。

點解呢，即使確診都只係家居隔離，做得啲咩呢？好似我哋咁，存在互相感染嘅風險，唔知幾時可以全部好返，之後又要等十几日，先可以出街。

嗰啲瞓喺室外帳篷嘅人，希望已經入晒病房裡。