♥ 30w1d ♥ BB 搶住出世？

 

30W 1D , Date 19 july

因為PAT PAT 有一大片紅印，以為係坐得耐得出來，但第二日起身又仲未散，所以今日就去睇睇私家醫生，同時照下小力，都差不多一個月。

醫生，有D 流，佢話無咩野WOR，應該係坐得耐得出來，加上孕婦循環唔好，所以久久不散。。。。不過我會再同政府的講。而且個肚又成日實，佢都係話，無咩野，如果好規律咁實的話就要去急症室咁。我都知啦。

點都好，照下超聲波睇下小力點。今之佢終!郁黎睇下啦，見到佢伸脷呀，好得意。醫生話係中偏大SIZE， 依家有3lb 12oz，比正常大左兩個星期，三個星期前仲係2lb 1oz。吓？唔怪得知，近日個人好累，睡得不好，起身背又痛，轉身又難左，個肚真係大得快左。預產推前到9月 9。吓，我打算9月 8先開始放產假的，小力要生性，唔好太早。

大得快左，開始擔心下星期影相會爆紋...