♥ 小力豬 ♥ 第七個月﹣進步神速

體重: 8 kg   身高:﹣﹣﹣

知道小力重8KG，因媽媽我又倒下了。
TOUCH WOOD 自從有小力以後，媽媽我進出多了醫院，請病假的日子多了，CLAIM醫藥費的單子都多了。



以前有病，不用睇醫生，病幾天會自己好，但現在不能啊，
怕野到小力，所以家中常備口罩。
病了不能跟他有親密接觸，所以要快D 好，要睇醫生。

25 號那天，小力凌晨起身，一直扭計，頭仔有D慶，原來發燒了，邊哭，邊咬蕉仔，好慘。
好在有一塊大人用的退熱貼，扭到四點才睡，到早上燒退了好在。
真係覺得，媽媽病，好過小力病。


食奶方面 

時間大約係：
7-8 點
12至2點 （ 小力在我家的話多數11點前沖涼，之后再瞓，有時瞓到2點先食。）
4至5點 ﹣粥仔
8點
10至11點 ﹣好多時睡了

小力仲係全人奶B，六安（180）。一日四餐奶，一餐粥。
經歷2，3 次乳塞之後，成半個多月奶量先回升，以為可以鬆一口氣，點知。

近日不知怎的，右邊的乳頭很痛，更腫起來，由幾條水柱變得一條。
沒有燒，就是很痛很痛，擠完奶後，SIZE比另一邊的大好幾陪。
埋身時更是超級痛，唔食止痛藥喂，痛到喊 >_< 
食左幾日。

去睇醫生啦，我覺得要觸診，所以最好找個女醫生（我衣家跟小力睇同一個兒科男醫生）。
但剛好月頭紅日，醫生放假了，後來就去了健康院。
因為覺得母乳這家野，健康院一日睇十個，醫生一星期都唔知有無睇一個。

我早上去到，同母乳房的姑娘講我的情況，佢地就同的BOOK即日下午，因當日上午唔係睇我個D。
下午去到，見左姑娘醫生，比左藥膏，但佢地話這種已不是最痛，還有D更痛更恐佈的CASE。

下？我已經覺超痛啦。衣家仲有小痛。
詳情以後再補。


固體食物方面 

已經試過：

holly糊仔
節瓜瘦肉粥

蕃蕃蛋黃粥
蕃薯糊仔
蕃茄魚腩粥
波菜粥
南瓜瘦肉粥

士多啤梨
蘋果
香蕉餅仔
HENIZ 蘋果蓉

小力係個為食豬，似媽媽，不會偏食。
滿6個月，我先比佢食固體。
媽媽的先記得之前健康院比過本書仔教整D咩比BB食。
即刻攞比99叫佢睇啦，費事佢比太水或太杰的野比小力食。
仲再三同佢講每個階段只可同一樣野比小力試幾日先再另一樣。
本書仔圖文並茂啦，點知佢都唔知點睇。

有，小力D便便有好多條黑色野，最影形容，情況就係紫菜肉鬆的紫菜SIZE.
我亦知道係係菜。

我就打電話問佢比咩小力食，當然目的係叫佢切細D啦。

本書有圖嫁，睇下啦，佢比小力的菜大小係比一個一歲的BB食的。
之後，仲有用鴨神煲粥比小力。天呀。


便便

人奶B小力自4個月起隔幾天先痾一次，試過成四五日先痾一次。
問過健康院姑娘，話無痾大，有屁放的話都可以。
有呀，仲要係好臭個隻。
亦因此飲過一次開奶茶，都唔知有無用。
佢成個星期無便做，星期六俾佢飲，星期日晚先有。

小力好多時放屁屁，沒便便，我地話佢“放流蛋”。

BB亦特別喜歡在爸爸溫暖的懷抱中釋放。

媽媽多數都是換片的那位，那個味道就似咸蛋。
很多時我都叫爸爸湊近去PAT PAT 嗅下係咪有便便。

吃固體以後，便便的形態開始變。
上兩星期日，終了解爸爸口中指小力屁股下的小山丘是如何了。
一個人幫他換片以後，打算跟小力在床上玩下，等他再睡多一會，但小力就是扭計。
原來，BB梅開二度，份量仲好勁TIM。

 
肢體發展

反啦，反啦。作反啦。
上個月尾在99家成功見到小力反身，仲成功影底左。
自此沒完沒了←請用國語讀
瞓醒反，換片反，沖涼反，PLAYMAT反。
最大件事換片反，花多五陪力氣換片呀，最驚又反又尿，
touch wood 好在仲未試過。

仲有，坐得好好啦。^^

婆婆仲開始教小力拍手同BB, 但未學識。