♥ 小力豬 ♥ 第6個月

2013 | 2- 3 

體重: 7.2kg   身高:66cm

小力3月11日時去健康院打針，小小人仔第一次肥佬!!姑娘話重得唔夠，4個月時6.94，e加6個月只得7.2，同時又未會坐，要9個月大再去見姑娘。

鬼咩，小力一早食完奶奶，沖左涼，就瞓著左，叫醒佢做檢查，釆你都儍，咪肥左佬。媽媽都覺小力無辜。由生長線50以上, 跌去25以下。


食奶方面

時間大約係：
7-8 點
12至2點 （ 小力在我家的話多數11點前沖涼，之后再瞓，有時瞓到2點先食。）
4至5點
7至8點
10至11點

小力係全人奶B，由五安（150）加到六安（180）了。一日五餐。有一兩日凌晨三四點時比水佢飲都要眼光光，於是比佢埋身。我驚佢食得太多，但比五安，佢食完仲嘈。

埋身方面，當然不佢食幾多啦，不過，可能係想出牙仔，所以有D 厭奶，好快食完，結果出事。

話說新年後62，99去旅行，我就請幾日假，湊B，佢埋身幾日我都覺有D 野，點知周四晚開始出事，右邊胸外側好麻，發38度燒。我那那林飲多D 水瞓覺，但整晚發冷。第二日發到38.9度，老公請半日假抱住B，同我去醫生，跟住CALL母親大人過來。

食左藥，半昏迷，連老公走去番工都唔知。

奶量急跌，好在小力仲肯啜，二三日好番後，點知再過下一個星期日到另一邊，這次沒睇醫生，只係食番D 上次剩低的藥同一D 止痛藥。如是這，成個月奶量先回番D，有750ml。


固體食物方面

曾聽說等半歲先比固體BB食，所以小力仲未食米粉或糊仔。
不過有不少其他9 月BB都開始粥水，而奶奶竟在沒知會我，比小力飲粥水。我覺得有D 過份，係無同的講過，就比佢飲，我係先阿佢阿媽，你起碼「知會」我一聲。

只係有日我見到，先講話比佢食左幾日。吹脹。同之前佢話BB 在肚中熱慣，E加不怕熱的道一樣，我知家下同佢講沒用。

不過，小力想牙仔，有日佢喊到豬頭咁，我記起之前BB展送過包餅仔，就俾佢。

小力自己促著半條餅仔放入口，又收左聲，見佢流往兩行眼淚，臉紅紅個樣，好可愛 (變態媽媽) 。



肢體發展

小力食奶對會兩手攞著奶樽了。
婆婆對他説: 小力呀，自己攞著呀，唔係冇得食呀。

再把他的小手放在奶樽上，試多幾次就會了。

埋身時就更可愛，他小手一時放在奶奶上，一時伸高撫摸我的臉，一時又伸到另一邊的奶奶到。好可愛。

坐方面，還不行。

轉身的話，我看來是頭太重，下半身去了一半，頭卻過不到。仍須努力。