第三天，動態清零？

二月十九 ，周六，雨

原來所謂動態清零，即是說沒有病患在移動。原來是沒有可能的。

由於只有妹妹確診，可以去睇醫生嘅只有她。 

其他人又如何啦？睇嚟只有真係變得好嚴重嘅時候先可以call白車，

奈何喺網絡上面或電視機上面都睇到醫療系統已經爆煲啦，

有長者喺戶外露宿五天仍未得到室內嘅病房床位，

亦有網絡文章指小朋友三歲、五歲發高燒等咗12個小時，都係只係分得退燒藥之後叫你返屋企，文章嘅作者喺度指責政府嘅政策同醫療系統。

其實早在幾年前我哋已經經歷過，所以小朋友發燒嘅時候去急症室，一定要帶備足夠嘅衣物同埋退燒藥自備，仔仔當年發到40度都只係俾啲退燒藥叫你返屋企。 所以今次我哋全家病晒都仍然留守屋企，慶幸沒有大件事，只係一啲傷風感冒嘅情況。

不過都要睇吓醫生啦，於是打電話去專門俾確診者而病徵輕微睇嘅診所，預約咗即日11點幾，都好唔使再等10幾個鐘或第二日。 幫個女帶咗雙重口罩，仲有防疫帽之後就出門啊，下次可能要帶埋手套，因為診所嘅全部都係確診者，醫護人員亦都提醒我哋裏面嘅病毒量可能會非常之高，叫我哋於診所喺門外等候。 

 其實阿女嘅病徵一如以往都係有啲感冒，咳，有痰，醫生都係開咗同之前在診所攞嘅藥一模一樣，我另外同佢講屋企有三個疑似病患其中嗰個有流鼻水嘅情況，同佢講埋嗰個歲數之後佢就開多一隻收鼻水藥比我。

希望用得着啦，因為其餘的人仍然在等測試嘅結果。

我哋係星期四將啲測試樽攞去西營盤診所，嘅到而家都未有任何消息。