♥ Day 113 ♥ bumbo chair 學習椅

Day 113

終於接小力回家，因為媽媽昨晚跟同事打邊爐，所以沒去接你，48小時沒見小力，好似又長大了許多。

早上跟大力行山，一落車就下雨，等左一陣，雨細左。我們就行左轉，上到水塘，風更大，不久就打道回府了。沿路有很多牛屎，大力又痾埋一份，我們笑稱他做「牛屎力」。

講番BUMBO chair，之前見過，覺得好得意想買比小力的，但新的太貴，要成近500, 嬰兒的東西，好貴，加上小力有兩頭住家，我這個慳家媽媽於是找2手的，有兩家，都是$180, 綠色無盒和黃色有盒，爸爸挑了綠色的。約了在地鐵站交收。原來打算做小力的聖誕禮物，變左做新年禮物。

賣家還提醒我BUMBO CHAIR在美國那邊有關safety seat belt的事，我知道，不過就沒想過話去登記叫佢寄過黎，經賣家提點，回家後就SEARCH 了該公司的網站做了登記，唔知會唔會寄黎呢？

當晚，把椅子抹一下後就放小力下去，只係剛剛好，希望係冬天著3多，張櫈OFFICAL 可以由4個月坐到歲幾，希望可以坐耐D。買左至上網CHECK到話有D BB唔鐘意坐，好在佢沒發炆陣，仲好似好開心TIM，。

不過他還沒有足夠的力SUPPORT頭，所以要用手撫住，不可坐得耐。雖然係咁，我們都可以休息下，唔洗成日抱。因為的地沒買high chair, 自己屋企仲好D，有SOFA 可以放底佢。佢係99度，就只係抱同瞓係床，因為無SOFA，無地方埃或坐。成三個半月，四個月都黎緊，我三個多月起每日都反轉佢練習，等條頸有D 力，99話唔洗咁快，吓！其他BB會轉身TIM 啦，你就剩係抱，同帶佢去茶樓show off，等佢無機會要試其他野嘛，你唔比佢試，點有機會學，你又點知佢唔得？99成日都係咁，對自己個仔係咁，個孫又係咁。no way !