又入院⋯＞_＜

好想返屋企!

話說星期日同星期一中午同黃昏的時候雙眼睇野都有問題。

星期日係左眼下方睇唔到，坐系面店一陣，食完碗麵就無野，黃昏的時候又黎料，坐在會所一陣又開始，半個多鐘又無事。D影像好似走左位，shift 左咁。

星期一就有一個成2寸幾直徑的水波咁樣的野系D影像度，又維持2 3個鐘。

於是今日去健康院檢B鏈時就同姑娘講，於是等左個幾鐘見醫生，跟住叫我去PMH睇急症。

5點鐘上到去等左陣⋯要入院⋯

去左老人科加內科⋯

醫生下班了，換左個當值醫生睇，佢話聽日去明愛先有眼科。

老公下班來看我，之後就去實地視察下C座的產房。

老公走左無耐，醫生同姑娘就話明愛嗰邊想我馬上去睇，怕是視網膜有事，於是又打電話叫老公返黎，他已上左小巴只系車未開。

冲冲忙忙卻又等左個多鐘救護車，到9點多才去明愛（原來是在長沙灣的）。

去眼科滴了些放大瞳孔的藥水，又等，等驗眼。

睇完右眼睇左眼，上下左右用光照清楚，佢話我左眼下面好薄，好似穿左2個洞⋯又好似有D水停係嗰度，我都未識驚，咁我依家仲睇到野麻。不過佢就話因藥力未發揮完全（大肚婆耐D）瞳孔未放到最大，今晩返去再滴，明天再睇多次，於是我地又係度等，等左成個鐘又坐救護車返瑪嘉烈。 

結果，老公凌晨先坐的士返到去荃灣，食佢的晩飯，我仲乜都無食過，只係系地鐡站食的茶葉蛋。



醫生話隻眼有事，要多多休息，再來更新。

入左瑪嘉烈老人科加內科，旁邊的是個昏迷的老人⋯有點恐怖，有在有小力陪我，第二日，好想快D出院呀~