28w2d 第二次健康院產檢＋火燭

BOOM!!

一早就因為這下巨響嚇醒，可能我有小力以來早睡，大約都是這個時候起來，今早一聽到就整個人彈起，「咩事! 咩事呀!」接著看到窗外是如此景況，再傳來多幾下爆炸聲。

以為是對面正在起樓的地盤，看一下又以為是那邊的狗舖，還在FB上發了COMMENT 和相，到後來才弄清是再遠一點的工廈。

拍了相和片想WHATAPP 去新聞有線人的，卻忘了那個電話號碼，上公司網都沒提及就放棄了。如是這擾攘了半個多鐘，老公不理我又倒頭去睡了。

我上廁所時，又喊了一聲，差點忘了今天產檢，要留小便，好在是要第二次的。

28w2d
今次早呀，1330的時時，我早15分鐘到，等左一陣，攞到11號籌。

終於過左60大關，上次 57.5，今次有61.1，會唔會我剛食完野又幾日無大大的關係呢？血壓和小便都正常，之後又係等，係大堂同其他孕婦一齊睇下懷孕前後的運動教材片，等叫名。都好快下。先是姑娘問下呀B有無郁，有；腳有無腫，有少少，佢睇過後話無。上床，佢摸下肚，聽下BB心跳，再用把尺打直同橫度下，就話BB SIZE OK。叫我出去等。

又等左陣，見埋醫生，都無咩等別野，同佢講肚臍下面用力時有D 痛，佢話可能係D 筋拉到，無問題，寫埋到診紙同約下次產檢就走得。用左個半鐘多D 咁。

之後到TST行下，去6ixty 8ight 想買件bra top 影大肚相，但無我size....

不過去UNIQLO,買左條之前見到想買又字落手的連身裙，記得之前係$249, 依家只賣 $59, 當然係無SIZE 同色揀啦，不過 $59 平時著都抵啦。著起好大個肚，哈哈。

跟著約家姐食 TEA，佢過到黎都1730，我已好肚餓，中午只食左麥香雞飽，用佢的coupon食左半柸乳酪，緊貼晚餐去左赫德道的一間日本餐廳，好好味。

歸程時好累，好在有好心人讓坐，係一位中年女子，真好。反而旁邊的女子就一個箭步坐下在她身旁的吉位。

今天走了很多路，由西鐵走回家，我行得超慢。